منتدى المتحابين في الله
منتدى المتحابين فى الله


˚◦ღ♥ஓ◦°˚◦عشاق الفردوس الاعلي◦ღ♥ஓ◦°˚◦.
 
الرئيسيةاخبار المنتدىس .و .جالتسجيلدخول
اخي العضو / اختي العضوة : لا حاجة لنذكركم انكم في داركم هذا الصرح لولاكم لما كان يوما وبكم سيكون في القمة تذكروا جيدا اننا لا ندعي القمة انما نسعى للوصول اليها وذلك بفضلكم لازلنا في البداية لكن المنتدى لن يتحرك خطوة واحدة الا بمجهوداتكم وعطائكم وحبكم لمشاركة الآخرين أفراحهم وأحزانهم ولو بكلمة مهما كانت مشاعرك تجاههم فالطيب لا يجني الا الطيب وكم من مصائب قربت قلوب يبقى الحب هو ما يجمعنا ويبقى الجميع تحت مظلة الجنان أخوان وأهل فلا تسمحوا لقطيعة أن تدوم ولاتسمحوا لأعمدة هذا الدار أن تهز يوما .أخوكم : الحرية للاقصى

شاطر | 
 

 قالولي بتحب مصر قلت مش عارف - للشاعر تميم البرغوثي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سراج الاقصى
عضو ذهبي
عضو ذهبي
avatar

الجنس ذكر
عدد المساهمات : 72
تاريخ التسجيل : 17/01/2010
الموقع : http://pop218.roo7.biz

مُساهمةموضوع: قالولي بتحب مصر قلت مش عارف - للشاعر تميم البرغوثي   الإثنين يناير 18, 2010 1:33 am

السلام عليكــم ورحمـة الله وبركاتــة ،،







قالولي بتحب مصر قلت مش عارف - الشاعر تميم البرغوثي

قالولي بتحب مصر؟
قلت مش عارف !
المعنى كعبة
وانا بوفد الحروف طايف
وألف مغزى القصايد
في الإيدين لافف
قالولي بتحب مصر؟
قلت مش عارف
أنا لما اشوف مصر عالصفحة
بكون خايف
ما يجيش في بالي هرم
ما يجيش في بالي نيل
ما يجيش في بالي غيطان خضرا
وشمس أصيل
ولا جذوع فلاّحين
لو يعدلوها تميل
حكم الليالي ياخدهم في الحصاد محاصيل
يلبّسوهم فراعنة ساعة التمثيل
وساعة الجد في سُخرة وإسماعيل
ما يجيش في بالي عُرابي ونظرته في الخيل
وسعد باشا وفريد وبقية التماثيل
ولا أم كلثوم في خمسانها ولا المنديل
الصبح في التاكسي صوتها مبوّزه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر؟
أخدني صمت طويل
وجت في بالي ابتسامة وانتهت بعويل
قالولي بتحب مصر؟
قلت مش عارف !
لكني عارف بإني ابن رضوى عاشور
أمي التي حملها ما ينحسب بشهور
تكتب في كار الأمومة من الكتب ألفين
طفلة تحمّي الغزالة وتطعم العصفور
وتذنب الدهر لو يغلط بنظرة عين
وبنظرة أو طبطبة ترضى عليه فيدور
وأمي حافظة شوارع مصر بالسنتي
تقول لمصر يا حجة ترد يا بنتي
تقولّها احكيلي فتقول ابدأي إنتِ
وأمي حافظة السير أصل السير كارها
تكتب بحبر الليالي تقوم تنورها
وتقول يا حجة إذا ما فرحتِ وحزنتِ وفين ما كنتِ
أسجّل ما أرى للناس تفضل رسايل غرام للي يقدّرها
أمي وابوي التقوا والحُر للحُرة
شاعر من الضفة برغوثي واسمه مُريد
قالولها ده أجنبي ما يجوزش بالمرّة
قالتلهم يا عبيد اللي ملوكها عبيد
من إمتى كانت رام الله من بلاد برّا ؟
يا ناس يا أهل البلد
شاريه وشاريني
مين يعترض عالمحبة لما ربّي يريد؟
كان الجواب إن واحد سافر اسرائيل
وانا ابوي قالوله يلاّ عالترحيل
دلوقتِ جه دوري لاجل بلادي تنفيني
وتشيب أمي في عشرينها وعشريني
يا أهل مصر قولولي بس كم مرة حتعاقبوها على حُب الفلسطيني ؟؟؟؟؟؟
قالولي بتحب مصر؟
قلت مش عارف !
ريحة بخور في الغورية وميّة في الشارع
محل بيبيع عصير بانيه المؤيد شيخ
صاحب محل وصبيّه يهروا بعض صريخ
وفرقة بتقول موشّح يا سقاة الراح
مدنة عليها المؤدّن بالعَنا طالع
لكن أدانه يعدّي من السما مرتاح
والمدنة في مسجد للحاكم بأمر الله
كأنها من زمانه واقفة تستناه
سيرته غريبة الراجل ده يفهموها قليل
حاكم وقالها بصراحة: أظن إني إله
جاب جوهر الحكم يا اخوانّا وفهم معناه
ما كل حاكم بقولها في سرّه لما ينام
بقولها لمراته وابنه حتى أمنه الخاص
لكني أشهد بإنه أشجع الحكّام
ذاعها على الناس صراحة والأئمة معاه
يا أهل مصر أنا من اليوم إله وإمام
شجاع ومؤمن بنفسه بس مسّه الخوف
شافوه وإيده بترعش والعرق بيسيل
بصّوا بمحبة وقالوله:
طب يا عم خلاص إله ونص عشان تبقى بتلات نصاص
وأيدوه قصة تانية بدفتر القصاص
ما كل حاكم كده بس العتب عالشوف !!!
وباب زويلة بيحوي من الكلاب أصناف
وباب زويلة عليه بيتعلقوا الأشراف
وناس عبيد ناس وناس لؤلؤ بلا أصداف
بيوت قصايد وخنقاها بيوت الخلق
يا مصر ابنك في بطنك بس خنقاه خنق
وكل شاعر يطبطبله ويقول قرّب
وراح صلاح وفؤاد والتونسي متغرّب
لحد ما الحمل أصبح شغلة البطّال
وكل شاعر عويل تلقيه في حملك قال
يا مصر بطنك بتكذب ولا حملك حق
احنا تعبنا وما فيش أشعار عشان نكتب
ابنك يا ييجي يا تبقى الدنيا عايزة الحرق
قالولي بتحب مصر ؟؟؟؟؟؟
قلت مش عارف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قالولي بتحب مصر قلت مش عارف - للشاعر تميم البرغوثي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى المتحابين في الله :: منتدى الادبية-
انتقل الى: